BAKI, 18 sentyabr — Sputnik. Bu həftə ərzində dünyada COVID-19-a yoluxmada azalma qeydə alınıb. Sputnik Azərbaycan-ın Türkiyə mediasına istinadən xəbərinə görə, bu barədə Ümumdünya Səhiyyə Təşkilatı məlumat yayıb.
ÜST-ün məlumatına görə, ilk dəfə olaraq bu həftə rəqəmlərdə böyük azalmalar qeydə alınıb. ÜST-dən bildirilib ki, daha öncəki iki həftə ərzində həftəlik yoluxma 4.4 milyon idisə, başa vurduğumuz bu həftədə dünya üzrə yoluxma sayı 4 milyon olub.
Bundan başqa, bu həftə ərzində COVID-19-dan ölüm sayında da azalma qeydə alınıb. ÜST bildirib ki, dünya üzrə bu həftəlik ölüm 62 min olub. Ölüm sayında ən çox azalma isə Cənubi Asiyada qeydə alınıb. Virusun yeni ştammlarından biri olan "Delta"nın artıq 180 ölkədə yayıldığı da qeyd olunub.
ÜST-ün məlumatında uşaqlar, yeniyetmələr və gənclərin bu virusa daha az yoluxduğu vurğulanıb. Təşkilatın açıqladığı statistikaya görə, yaşı 24-dək olanlar arasında ölümlər bu virusdan dünyasını dəyişənlərin ümumilikdə 0.5 faizindən də azdır.
Eləcə də oxuyun:
Rusiyada COVID-19 əleyhinə AstraZeneca peyvəndinin istehsalına başlanıb
COVID-19 statistikası: sutka ərzində yoluxanların və vəfat edənlərin sayı azalıb
Özbəkistanda pomidordan koronavirusa qarşı peyvənd hazırlanır
Avtobuslar niyə həftəsonu virus yayır? Məntiqi izahı olmayan qərara tutarlı etirazlar
Vaksin qorxusu ilə necə mübarizə aparmalı? - Psixoloq məsləhəti