BAKI, 12 sentyabr — Sputnik. Rusiyaya məxsus L-410 təyyarəsinin İrkutsk yaxınlığında sərt enişi nəticəsində bir nəfər həlak olub. Bu barədəd RİA Novosti-yə vahid növbətçi dispetçer xidmətindən məlumat verilib.
Xatırladaq ki, Rusiyanın L-410 sərnişin təyyarəsi tayqada sərt eniş etməyə məcbur olub. Göyərtəsində 16 nəfərin olduğu təyyarə İrkutsk yaxınlığında yerə enib.
Yerli xidmətlərin məlumatına görə hadisə zamanı təyyarədə yanğın olub.
Sərnişinlərdən biri doğmalarına zəng vura bilib. Təyyarənin axtarışına Mi-8 vertolyotu və xilasetmə qrupu cəlb olunub.
FHN təyyarənin sərt eniş etməsi faktını təsdiqləyib.
L410 — regional hava yolları üçün nəzərdə tutulmuş iki mühərrikli təyyarədir. Bu təyyarə 1960-cı ildə Çexoslovakiyanın Let. müəssisəsi tərəfindən hazırlanıb. Təyyarənin kommersiya məqsədləri ilə istismarı 1973-cü ildə başlanıb.