BAKI, 10 sentyabr — Sputnik. "Azadinfo.az saytının rəhbəri Mahir Xəttab Baş Prokuror yanında Korrupsiyaya Qarşı Mübarizə İdarəsi tərəfindən saxlanılıb.
Sputnik Azərbaycan-ın əldə etdiyi məlumata görə, o, hədə-qorxu ilə pul tələb etməkdə təqsirləndirilir.
Baş Prokurorluğun Mətbuat Xidmətindən Sputnik Azərbaycan-a verilən məlumatda fakt təsdiqini tapıb. Prokurorluqdan bildirilib ki, bununla əlaqədar olaraq ictimaiyyətə əlavə məlumat veriləcək.
Xatırladaq ki, "Azadinfo.az" saytının rəhbəri Mahir Xəttab dünən axşam saatlarında saxlanılıb.