BAKI, 10 sentyabr — Sputnik. ABŞ səfiri ilə görüşdə Moskvanın ABŞ "rəqəmsal nəhəngləri" tərəfindən Dövlət Dumasına seçkilərə hazırlıq və onların keçirilməsi ilə bağlı Rusiya qanunvericiliyinin pozulmasına dair təkzibedilməz sübutları olduğu qeyd olunub. Sputnik Azərbaycan RİA Novosti-yə istinadən xəbər verir ki, bu barədə XİN-in bəyanatında deyilir.
"Bununla əlaqədar olaraq ölkəmizin daxili işlərinə müdaxilənin qəti şəkildə yolverilməz olduğu bildirilib", - deyə bəyanatda bildirilib və o da əlavə olunub ki, görüşdə "ikitərəfli münasibətlərə dair digər məsələlər də müzakirə olunub".
Rusiyanın XİN rəhbəri Sergey Lavrov bildirib ki, Qərb Moskva ilə münasibətlərin indiyə qədər olmamış səviyyədə korlanmasına əl atıb.
Lavrov həmçinin deyib ki, hazırda Rusiya Qərbdəki tərəfdaşların etibarlı olmasına əmin ola bilməz.
Qeyd edək ki, ABŞ-ın Rusiyadakı səfiri Con Sallivan ölkənin Xarici İşlər Nazirliyinə çağırılıb. Diplomat jurnalistlərin suallarına cavab verməyib. Ümumilikdə səfir XİN-də təqribən 20 dəqiqə vaxt keçirib.
ABŞ səfirliyinin mətbuat katibi Ceysox Rebholts bildirib ki, Sallivan XİN rəhbərinin müavini Sergey Ryabkovla görüşüb. Görüşün məqsədi Baydenin Rusiya ilə sabit və proqnozlaşdırıla bilən münasibətlər qurmaq səylərinin müzakirəsi olub.
Diplomatik mənbədən agentliyə məlum olub ki, səfirin XİN-ə dəvət olunmasına ABŞ-ın Rusiyadakı seçkilərə müdaxiləsi olub.
Xatırladaq ki, prezidentlər Vladimir Putin və Co Bayden iyunun 16-da Cenevrədə keçirilmiş görüşdə iki ölkə arasında münasibətlərin korlanması üzündən geri çağırılmış səfirlərin qarşılıqlı surətdə paytaxtlara qaytarılması barədə razılığa gəliblər. Rusiyanın nümayəndəsi Anatoli Antonov mart ayında Moskvaya geri çağırılıb, lakin iyul ayında yenidən Birləşmiş Ştatlara qayıdıb.