BAKI, 1 sentyabr — Sputnik. Balıq ovuna tətbiq edilən qadağanın müddəti sentyabrın 1-də bitir. Sənaye balıq ovu ilə məşğul olmaq istəyən şəxslər müvafiq icazə sənədlərini – balıqovlama biletlərini əldə etməlidirlər. Balıqovlama bileti əldə olunduqdan sonra fiziki və hüquqi şəxslər, ümumiyyətlə vətəndaşlar balıq ovlamaq üçün hüquq əldə edirlər.
Sputnik Azərbaycan xəbər verir ki, bunu Bioloji Müxtəlifliyin Qorunması Xidmətinin rəsmisi Arzu Səmədova bildirib.
"Sənaye balıq ovu üçün yalnız balıqovlama bileti tələb olunur. Bu, həvəskar balıq ovuna şamil olunmur. Həvəskar balıqçılar əvvəlcədən müəyyən olunmuş yerlərdə qarmaqla 5 kiloqrama qədər balıq ovlaya bilərlər", - deyə A.Səmədova qeyd edib.
Xatırladaq ki, balıqların kürüləmə dövrü ilə əlaqədar mayın 1-dən sentyabrın 1-dək balıq ovuna moratorium tətbiq olunmuşdu.
Həmçinin oxuyun: