BAKI, 15 avqust — Sputnik. Haitidə baş vermiş 7,2 bal gücündə zəlzələ nəticəsində həlak olanların sayı 700-ü ötüb. Sputnik Azərbaycan Rusiya KİV-lərinə istinadən xəbər verir ki, son məlumatlara görə, təbii fəlakət nəticəsində 724 nəfər həlak olub.
“Cənub departamentində 500 Qrand-Ans departamentində 100, Nipp departamentində isə 122 nəfər tələf olub”, - deyə ölkənin mülki müdafiə idarəsinin məlumatında deyilir.
Şənbə günü, avqustun 14-də Haitidə güclü yeraltı təkanlar baş verib. ABŞ-ın Sunami Xəbərdarlığı Mərkəzi (NWS) öncə sunami təhlükəsi elan etsə də, bir müddət sonra xəbərdarlığı ləğv edib.
Həmçinin oxuyun:
Haitidə dəhşətli zəlzələ: qurbanların sayı 200-dən çoxdur