Əsl peşəsi zərgər olan kolleksioner Eduard Şamaryayev həm də "Rəssamlar İttifaqı"nın üzvüdür. O, artıq 35 ildir ki, kağız və qəpik pullardan kolleksiya toplayır. Şamaryayevin kolleksiyasında çar Rusiyasına və Azərbaycana aid kağız pullar, eləcə də sikkələr var.
O, Sputnik Azərbaycan-a müsahibəsində sevimli məşğuliyyəti barədə deyib: "Yeddi yaşım olanda ilk sikkə tapmışdım. Bu, sikkə çar Rusiyasına aid üç qəpik idi. Tapdığım sikkəni çox əzizləyirdim. Elə o vaxtdan məndə qəpiklərə həvəs yarandı. Hal-hazırda böyük kolleksiyaya sahibəm".
Eduard Şamaryayev Azərbaycan manatının tarixi və manat haqqında maraqlı faktlar açıqlayıb: "Sovet dövründə biz sovet ölkəsinə aid olan rubldan istifadə edirdik. Azərbaycanda bu pul vahidi manat adlanırdı. Müstəqillikdən sonra ilk kağız pul istifadəyə buraxılıb. Bunların üzərində abidələrimiz və dahi şəxslər əks olunub".