Azərbaycan və Özbəkistan arasında 130-dan çox ikitərəfli sənəd var ki, onların arasında "Dostluq və əməkdaşlıq haqqında müqavilə" və "Strateji tərəfdaşlığın daha da möhkəmləndirilməsi haqqında" bəyənnamə daha əhəmiyyətli sayılır. Bununla yanaşı, son illərdə siyasi əlaqələr möhkəmlənir, iqtisadi-ticari, nəqliyyat və mədəni-humanitar əlaqələr genişlənir.
Avqustun 11-də Sputnik Azərbaycan-ın Multimedia mərkəzində Özbəkistan dövlətçiliyinin inkişaf mərhələləri, ölkənin xarici siyasətinin strategiyasının reallaşdırma perspektivləri, Bakı və Daşkənd arasında siyasi dialoqun gələcəyi ilə bağlı müzakirələrin aparıldığı dairəvi masa təşkil edilib.
Tədbirdə Özbəkistanın Azərbaycandakı fövqəladə və səlahiyyətli səfiri Bəhram Əşrəfxanov, həmçinin tanınmış azərbaycanlı ekspertlər və ictimai xadimlər də iştirak ediblər.