BAKI, 8 avqust - Sputnik. Türkiyədə dəhşətli yol qəzası olub.
Sputnik Azərbaycan Türkiyə mediasına istinadən bildirir ki, ötən gecə, 04:40-da Balıkesir-Edremit yolunda sərnişin avtobusu qəzaya uğrayıb.
Sərnişin avtobusunun yoldan çıxaraq aşması nəticəsində 11 nəfər hadisə yerində həlak olub, 18 nəfər xəsarət alıb. Xəstəxanaya aparılan daha üç nəfər orada keçinib.
Yaralılar bölgədəki beş xəstəxanaya daşınıblar. Qəza ilə bağlı araşdırma aparılır.