BAKI, 3 avqust — Sputnik. İnsan yoluxduğu halda belə, koronavirusa qarşı peyvənd postkovid sindromundan qoruya bilər.
Bunu ilkin elmi məlumatlar və reabilitasiya mərkəzlərində peyvənd olunanların yoxluğu sübut edir.
"Situasiyanın analizi göstərir ki, reabilitasiya mərkəzlərində peyvənd olunmuş adamlara rast gəlinmir, yəni, ilkin elmi məlumatlara görə, mövcud vaksinlər insanları postkovid sindromundan qoruyur", - infeksionist həkim Yevgeni Timakov RİA Novosti-yə müsahibəsində bildirib.
Koronavirus əleyhinə vaksinasiya Rusiya Federasiyasının bütün bölgələrində aparılır. Rusiya Səhiyyə Nazirliyi Qamaleya Mərkəzinin COVID-19-un profilaktikası üçün hazırladığı ilk peyvəndi 2020-ci ilin avqustunda qeydiyyatdan keçirib. Ona "Sputnik V" adı verilib. Eləcə də Rusiyada "Rospotrebnadzor"un "Vektor" mərkəzinin «EpiVakKorona» və REA Çumakov adına Mərkəzin «KoviVak» peyvəndləri mövcuddur. Mayın əvvəlində dördüncü yerli peyvənd «Sputnik Layt»ın qeydiyyata alınması barədə məlumat yayılıb.
Eləcə də oxuyun:
Peyvəndə qarşı əks göstərişi olanlar üçün imtiyazlara dair qaydalar hazırlanır
Koronavirusun ölümcül təhlükəli nəticəsi açıqlanıb
Dərman şirkətləri koronavirusa qarşı vaksinlərin qiymətini qaldırıblar
TƏBİB rəsmisindən tənqidi çıxış