BAKI, 14 iyul — Sputnik. Azərbaycanın Xarici İşlər Nazirliyi (XİN) Çin hökumətinə başsağlığı verib. Sputnik Azərbaycan xəbər verir ki, bu barədə məlumat nazirliyin "Twitter" səhifəsində qeyd olunub.
"Çinin Suzhou şəhərində bir hotelin çökməsi nəticəsində həlak olanların ailələrinə dərin hüznlə başsağlığı veririk. Yaralananlara tezliklə sağalmağı, xilasedicilərə isə uğurlar diləyirik. Bizim həmrəyliyimiz və dəstəyimiz Çin xalqı və hökuməti ilədir", - deyə Azərbaycan Xarici İşlər Nazirliyinin yaydığı məlumatda bildirilir.
Qeyd edək ki, Çinin Suzhou şəhərində hotelin çökməsi nəticəsində ən azı 17 nəfər ölüb, 6 nəfər yaralanıb. Hazırda ərazidə xilasedicilər işləyirlər.