BAKI, 28 iyun - Sputnik. Bakı-Qazax yolunda avtomobil qəzası zamanı sürücü və iki yaşlı oğlu ölüb.
Hadisə gecə saatlarında Bakı-Qazax magistral yolunun Ucar rayonundan keçən hissəsində baş verib.
İlkin məlumatlara görə, 49 yaşlı Qəbələ sakini Hikmət Ağayevin idarə etdiyi "KamAZ" markalı yük avtomobilinin arxa hissəsinə Elçin Cəlilovun idarə etdiyi "Opel" markalı minik maşını çırpılıb.
Qəza nəticəsində minik avtomobilinin sürücüsü Elçin Cəlilov hadisə yerində ölüb. Avtomobildə olan digər 3 sərnişin - 2 yaşlı İlyas Elçin oğlu Cəlilov, 45 yaşlı Zaur Xəlilov və 31 yaşlı Aysel Balay qızı Cəlilova aldıqları çoxsaylı xəsarətlərlə Ucar Mərkəzi Rayon Xəstəxanasına yerləşdiriliblər.
Həkimlərin tibbi yardımına baxmayaraq müxtəlif dərəcəli bədən xəsarətləri alan iki yaşlı İlyas Elçin oğlu Cəlilovun həyatını xilas etmək mümkün olmayıb.
Faktla bağlı araşdırma aparılır.