Moskvada "Crocus City Hall"da Rusiya şou-biznes ulduzlarının iştirakı ilə "Jara" beynəlxalq festivalı keçirilir. Koronavirus pandemiyası səbəbindən karantin tədbirləri gücləndirildiyindən, konsert tamaşaçılar olmadan təşkil edilib.
Festival iyunun 23-də start götürüb və iyunun 27-nə kimi davam edəcək. Festivalda Yeqor Krid, Zivert, Maruv, Niletto, Loboda, Maks Barskix, Filip Kirkorov, Qriqori Leps, Timati, Timur Rodrigez, Anet Say, Yelena Temnikova, Nikolay Baskov, Dava, Vera Brejneva, Brandon Stone, Olqa Buzova, Burito, Zvonki və Rusiya estradasının digər ulduzları iştirak edirlər.
Tamaşaçılar tezliklə festivalı Rusiyanın "Birinci kanalı"nın efirindən izləyə biləcəklər.
Qeyd edək ki, "Jara" festivalı 2016-cı ildən etibarən Bakıda keçirilirdi, ancaq koronavirus pandemiyası səbəbindən bu il Moskvada təşkil olunub. Festivalın təşkilatçısı Azərbaycanın Xalq artisti Emin Ağalarov tərəfindən əsası qoyulan "Jara TV" musiqi telekanalıdır.