Moskvada Rusiya və Türkiyə Xarici İşlər Nazirlikləri (XİN) arasında keçirilmiş məsləhətləşmələrdə Cənubi Qafqazda kommunikasiyaların bərpası ilə bağlı işlərin davam etdirilməsi barədə razılığa gəlinib.
“Atlas” Araşdırmalar Mərkəzinin rəhbəri, politoloq Elxan Şahinoğlu Sputnik Azərbaycan-a deyir ki, bu razılaşmanın regiona müsbət təsiri olmalıdır: “Müharibə və ondan sonrakı dövr də sübut etdi ki, regionda iki əsas dövlət var. Bu Rusiya və Türkiyədir. Hər iki ölkə regionda gedən proseslərə təsir etmək gücündədir. Bu təmaslar hər iki ölkənin regional siyasətinin tərkib hissəsidir. Azərbaycanın qarşısında hədəflər var. Azərbaycan bu hədəflərə nail olmaq üçün daim Rusiya və Türkiyə ilə təmasları davam etdirir”.
Elxan Şahinoğlunun geniş şərhinə audiofaylda qulaq asa bilərsiniz