“Bu gün Azərbaycan ərazilərində yerləşən sülhməramlı qüvvələrə baxmayaraq ermənilər cinayətlər törədirlər”. Bunu Sputnik Azərbaycan Multimadia Mətbuat Mərkəzində keçirilən tədbirdə Vətən Müharibəsi Əlillərinə Yardım İctimai Birliyinin icraçı direktoru Zamin Zeynal deyib.
O bildirib ki, ermənilər bölgədə basdırdıqları minalarla pərakəndəlik yaratmağa, peşə fəaliyyətini yerinə yetirən insanlara mane olmağa çalışırlar: “Sonuncu belə hadisədə peşə fəaliyyətini icra edərkən iki dəyərli jurnalistimiz həlak oldular. Bu hərəkətlər qəbul edilməzdir və bu yöndə “Minasız Qarabağa gedək” aksiyası funksiyasını davam etdirəcək. Aksiya çərçivəsində 10 dildə bəyanat yayımlanacaq. Bizim beynəlxalq qurumlardan istəyimiz odur ki, Azərbaycan ərazilərində basdırılmış minaların xəritəsi ermənilərdən tələb edilsin”.
Zamin Zeynalın fikirlərinə audiofaylda qulaq asa bilərsiniz