İyunun 11-də start götürəcək futbol üzrə Avropa çempionatı unikal bir yarışdır: ilk dəfə olaraq Avropa birinciliyi fövqəladə şərtlərə görə təxirə salınıb. Çempionatın 2020-ci ildə keçirilməsinə koronavirus pandemiyası mane oldu.
Turnir 2021-ci ildə baş tutsa da, çempionatın rəsmi adındakı "2020" rəqəmi dəyişdirilmədi.
Çempionatın oyunları 11 şəhərdə - London, Münhen, Bakı, Roma, Buxarest, Kopenhagen, Amsterdam, Budapeşt, Qlazqo, Sevilya və Sankt-Peterburqda olacaq. Daha əvvəl 12 şəhər nəzərdə tutulurdu, lakin İrlandiya bundan imtina etdi.
Gördüyünüz kimi, həmin şəhərlər sırasında Azərbaycanın paytaxtı Bakı da var.
Turnirin oyunlarının keçiriləcəyi stadionların fotolarını təqdim edirik.
