BAKI, 30 may - Sputnik. Azərbaycanın Müdafiə Nazirliyi işğaldan azad edilmiş Cəbrayıl rayonunun Hacı İsaqlı kəndindən videogörüntü yayıb.
Sputnik Azərbaycan xəbər verir ki, ermənilər işğal etdikləri digər Azərbaycan əraziləri kimi Hacı İsaqlı kəndini də yerlə-yeksan ediblər.
Qeyd edək ki, Hacı İsaqlı kəndi 1993-cü ildə Ermənistan Respublikası Silahlı Qüvvələri tərəfindən işğal edilib. 19 oktyabr 2020-ci ildə Azərbaycan Silahlı Qüvvələri tərəfindən işğaldan azad edilib.
Müdafiə Nazirliyi kənddən çəkilmiş ən son videogörüntüləri ictimaiyyətə təqdim edib.