BAKI, 29 may — Sputnik. Vaxtilə Hollivudun ən tanınmış cütlüklərindən olan Bred Pitt və Ancelina Coli artıq beş ildir ki, ayrılıblar.
Sputnik Azərbaycan xarici mətbuata istinadən xəbər verir ki, bu müddət ərzində onlar uşaqlar üzərində qəyyumluq hüququ uğrunda məhkəmədə çəkişiblər.
Uzun müddət davam edən məhkəmə Pittin xeyrinə qərar çıxarıb və uşaqlar üzərində valideynlərin birgə qəyyumluq hüququnu təsdiq edib. Nəşr həmçinin Colinin təslim olmayacağı, qərardan şikayət verəcəyini də bildirib.
Qeyd edək ki, Coli və Pitt altı uşağa sahibdirlər. Onlardan üçü övladlığa götürülüb.