BAKI, 27 may — Sputnik. Naxçıvana quru yolla sərnişindaşıma həyata keçirilməyəcək.
Sputnik Azərbaycan-ın xəbərinə görə, bunu Dövlət Avtomobil Nəqliyyatı Xidmətinin (DANX) mətbuat katibi Nuridə Allahyarova bu gün jurnalistlərə açıqlamasında deyib.
"Çünki quru yolla səyahət İran ərazisindən həyata keçirilir. Lakin İranla sərhəd pandemiyaya görə bağlıdır", - deyə o, bildirib.
Nazirlik rəsmisi qeyd edib ki, Nazirlər Kabinetinin qərarı ilə İranla sərhəd açılarsa, o zaman quru yolla sərnişindaşıma bərpa oluna bilər.