BAKI, 21 may — Sputnik, Rahim Muradov. Masallıda motosikletlə minik avtomobilinin toqquşması nəticəsində faciə baş verib. Sputnik Azərbaycan xəbər verir ki, qəza rayonun Xırmandalı kəndi ərazisində baş verib.
Belə ki, 1958-ci il təvəllüdlü Hüseyn Səfərov idarə etdiyi motosikletlə Cəlilabad rayonu Göytəpə şəhər sakini, 1995-ci il təvəllüdlü Əlirza Əli oğlu Rzayevin idarə etdiyi "VAZ-2107" markalı avtomobillə toqquşub.
Nəticədə ağır kəllə-beyin travması alan motosiklet sürücüsü H.Səfərov Lənkəran Rayon Mərkəzi Xəstəxanasına çatdırılsa da, onun həyatını xilas etmək mümkün olmayıb.
Mərhumun meyiti aidiyyəti üzrə təhvil verilib. Bas verən qəza ilə bağlı araşdırmalar davam etdirilir