BAKI, 20 may — Sputnik. Dünya şöhrətli Hollivud ulduzu Al Paçino məşhur aşpaz Nusret Gökçənin qonağı olub. Sputnik Azərbaycan xəbər verir ki, 6 ölkədə 24 restoranı və 2 min əməkdaşı olan aşpaz bu barədə "Instagram" səhifəsində məlumat verib. O, daha bir xəyalının gerçək olduğunu yazaraq, aktyorla fotolarını paylaşıb.
Özünəməxsus duzlama üsuluna görə "Salt Bae" ləqəbini alan Nüsrətin paylaşımı qısa müddət ərzində milyona yaxın bəyənmə toplayıb. Mark Uolberq, Ceyson Steytem kimi məşhurlar Gökçənin qonağı olub.