BAKI, 18 may - Sputnik. Azərbaycan Respublikasında koronavirus (COVID-19) infeksiyasına 432 yeni yoluxma faktı qeydə alınıb, 1024 nəfər müalicə olunaraq sağalıb.
Nazirlər Kabineti yanında Operativ Qərargahdan verilən məlumata görə, COVID-19 üçün götürülən analiz nümunələri müsbət çıxmış 10 nəfər vəfat edib.
Azərbaycanda indiyədək ümumilikdə 330701 nəfər koronavirus infeksiyasına yoluxub. Onlardan 316439 nəfər müalicə olunaraq sağalıb, 4802 nəfər vəfat edib, aktiv xəstə sayı 9460 nəfərdir.
Ölkədə COVID-19-a yeni yoluxma hallarının müəyyənləşdirilməsi ilə əlaqədar aparılan testlərin sayı açıqlanıb. Respublikada son sutka ərzində 11 116, hazırkı dövrədək isə 3 404 046 test aparılıb.