BAKI, 10 may — Sputnik. Çin Xarici İşlər Nazirliyinin sözçüsü Hua Çunyinq bazar ertəsi keçirdiyi mətbuat konfransında ABŞ, Almaniya və Böyük Britaniyanın Çindəki uyğur müsəlmanları və digər azlıqların repressiyası ilə əlaqədar təşkil etmək istədikləri tədbirin ölkəsi üçün təhqir olduğunu bildirib.
Sputnik Azərbaycan xarici mediaya istinadən xəbər verir ki, virtual konfransın çərşənbə günü keçirilməsi planlaşdırılır. Çinli rəsmi insan haqları məsələsinin Çinin daxili işlərinə qarışmaq vasitəsi kimi istifadə edildiyini bildirərək, BMT üzvlərini planlaşdırılan tədbirə qatılmamağa çağırıb.