Zülfiyyə Quluyeva, Sputnik Azərbaycan
BAKI, 8 may — Sputnik. Qarabağda ilk regional radio kanalı yayıma başlayıb. Sputnik Azərbaycan-ın məlumatına görə, bu barədə "Facebook" sosial şəbəkəsindəki hesabında CBC telekanalının aparıcısı Elmira Musazadə məlumat yayıb:
"CBC TV Azərbaycan kanalını indi nəinki izləyə bilərsiniz, həm də qulaq asın"! "Qarabağın ilk regional radio kanalı yayımına başladı. Dinləyicilər 102.7 MHz-in iş tezliyində təqdim olunacaq 8 xəbər buraxılışını gün ərzində müxtəlif dillərdə eşidə bilərlər. "CBC FM Azərbaycan", - deyə aparıcı paylaşımında qeyd edib. Qeyd edək ki, E.Musazadə fəaliyyətini CBC TV Azərbaycan kanalının nəzdindəki CBC FM Azərbaycan radiosunda davam etdirir.