BAKI, 6 may — Sputnik. Rejissor və aktyor Əlixan Rəcəbovun ideya müəllifi olduğu film ərsəyə gəlib. Sputnik Azərbaycan xəbər verir ki, "Bədii çayxana" adlı komediyanın rejissorları Əlixan Rəcəbov, Taleh Yüzbəyov və Vüsal Əhmədzadədir.
Filmdə Fuad İsgəndərov, Əlixan Rəcəbov, Taleh Yüzbəyov, Nicat Rəhimov, İbrahim Heydərov, Kamil Vəlicanov, Vüsal Əhmədzadə və başqa aktyorlar işirak ediblər. Ötən gün Fuad İsgəndərovun "Youtube" portalına yerləşdirilən film 77 mindən artıq baxış sayı toplayıb. Qeyd edək ki, film artıq trendə düşüb.