Rahim Məmmədov, Sputnik Azərbaycan
BAKI, 5 may — Sputnik. Mingəçevirdə doğulan Pərviz Tağıyev kiçik yaşlarından hərbi sahəyə maraq göstərib. Vətən müharibəsi başlayan gündən MAXE (müddətdən artıq xidmət edən - red.) kimi döyüşlərə qatılıb.
Sputnik Azərbaycan-ın məlumatına görə, Pərviz Murov yüksəkliyi, Tərtər rayonunun Suqovuşan kəndi istiqamətində gedən ağır döyüşlərdə iştirak edib. Onunla yaxınları müharibənin ilk günlərində əlaqə saxlaya biliblər. Sonra isə əlaqə tam kəsilib. Qorxmaz, igid gəncin nəşi ölümündən təxminən 220 gün sonra Tərtər-Suqovuşan istiqamətində tapılaraq ailəsinə təhvil verilib.
Otuz bir yaşlı Pərviz Tağıyev bu gün Mingəçevir Şəhidlər xiyabanında dəfn edilib.
Allah rəhmət eləsin!