Azərbaycanda eyni rayonda bir neçə saat ara ilə zəlzələlər olub

BAKI, 4 may - Sputnik. Ağstafada gün ərzində iki dəfə zəlzələ olub.

Sputnik Azərbaycan bildirir ki, bu barədə Azərbaycan Milli Elmlər Akademiyası nəzdində Respublika Seysmoloji Xidmət Mərkəzinin saytında məlumat yer alıb.

Zəlzələlərin tədqiqatı bürosunun məlumatına əsasən, yerli vaxtla saat 1:21-də Qazax stansiyasından 27 km şimal-şərqdə, Ağstafa rayonunda zəlzələ qeydə alınıb. Zəlzələ 3,5 bal gücündə olub. İkinci yeraltı təkan isə səhər çağı, saat 06:26-da olub, maqnitudası 3,2 bal təşkil edib. Zəlzələ ocağı 11 kilometr dərinlikdə yerləşib.

Zəlzələ hiss olunmayıb.