Bu gün Rusiyadan Azərbaycana koronavirus əleyhinə vaksin gətirilib.
Azərbaycanın Rusiyadan aldığı “Sputnik V” vaksininin ilk partiyasını daşıyan təyyarə Heydər Əliyev Beynəlxalq Hava Limanında eniş edib.
Rusiya peyvəndinin ilk partiyası 40 min dozadan ibarətdir. İkinci partiya da mayda gətiriləcək.
Xatırladaq ki, ötən ilin avqustun 11-i Rusiya Prezidenti Vladimir Putin Rusiya Federasiyasında koronavirusdan ilk peyvəndin qeydiyyatını elan edib. Rusiyanın koronavirusa qarşı hazırladığı yeni peyvənd "Sputnik V" adını alıb.