BAKI, 28 aprel — Sputnik. Ukrayna Prezidenti Vladimir Zelenski Rusiya Prezidenti Vladimir Putinlə Vatikanda ikitərəfli görüşmək istəyib. Sputnik Azərbaycan xəbər verir ki, bunu Zelenski "La Repubblica" nəşrinə müsahibəsində bildirib.
Onun sözlərinə görə, Vatikan dünyada dialoq üçün ideal yerdir. Prezident vurğulayıb ki, Kiyev və Moskva arasında çoxdandır "həqiqi birbaşa söhbət" olmayıb ki, bu da digər formatlarda konstruktiv danışıqlara yardım etmir.
O, görüşün məqsədinin Donbasda atəşkəs və münaqişənin nizamlanması üzrə addımların razılaşdırılmasının müzakirəsi olduğunu deyib.