Hindistanda son bir həftə ərzində koronavirusa yoluxanların sayı rekord həddədir. Dünən 362 min nəfərdən çox insan yoluxub. Xəstəxanalarda oksigen balonları və süni nəfəs aparatları kəskin surətdə çatışmır.
Aİ, Almaniya, ABŞ və Böyük Britaniya təcili surətdə Hindistanı koronaviruslu xəstələrə baxmaq üçün zəruri avadanlıqla təmin etmək niyyətindədirlər.
Rəsmi statistikaya görə, Hindistanda pandemiya başlayandan təxminən 18 milyon insan yoluxub, ölənlərin sayı isə 200 mini keçib. Ölənlərin gündəlik artımı 3 min nəfər təşkil edir.