BAKI, 26 aprel — Sputnik, Şahpəri Abbasova. Bir aya yaxındır koronavirusa yoluxan Əməkdar artist Baloğlan Əşrəfovdan xəbər var.
Müğənninin Sputnik Azərbaycan-a verdiyi məlumata görə, hazırda vəziyyəti ağırdır: "Nəfəs almamda ciddi problem var. Danışa bilmirəm, təngnəfəslik və öskürək var. Özüm xəstəxanaya getmirəm. Şəxsi həkimim var, onun nəzarəti altındayam. Həm də evdə mənimlə daha yaxşı maraqlanırlar. Səhhətimdə irəliləyiş hiss etmirəm. Əvvəl necə idimsə, indi də eləyəm".
Qeyd edək ki, qaraciyər serrozundan əziyyət çəkən tanınmış müğənni bu diaqnozla 2007-ci ilin martın 8-də ağır vəziyyətdə Mərkəzi Klinik Xəstəxanaya yerləşdirilmişdi. Daha sonra Türkiyədə müğənniyə qaraciyər köçürülmüşdü.