BAKI, 26 aprel — Sputnik. İspaniyada 3-ü uşaq olmaqla 22 nəfəri qəsdən koronavirusa yoluxurmaqda təqsirləndirilən 40 yaşlı COVID-19 xəstəsi saxlanılıb. Sputnik Azərbaycan bu barədə "TRT Haber"ə istinadla məlumat yayıb.
Manakor polis mərkəzindən verilən açıqlamaya görə, sözügedən şəxs xəstəlik əlamətləri göstərməsinə baxmayaraq PZR testinin nəticəsini gözləmədən işə maskasız gedib. Nəticədə xəstənin içində uşaqların da olduğu 8 nəfəri birbaşa, 14 nəfəri isə dolayı yolla koronavisrusa yoluxdurduğu bildirilir.
O da məlum olub ki, 40 dərəcə qızdırma ilə işə gələn şəxs nəinki maska taxmayıb, hətta iş yoldaşlarının üzünə öskürərək "Hamınızı koronavirusa yoluxduracağam!" - deyə təhdid edib.