BAKI, 16 aprel - Sputnik. Raul Kastro Kuba Kommunist Partiyası Mərkəzi Komitəsinin birinci katibi vəzifəsindən istefa verib.
Sputnik Azərbaycan Report-a istinadla xəbər verir ki, bu barədə Kuba Kommunist Partiyasının mətbu orqanı “Granma” qəzeti məlumat yayıb.
“Ordu generalı, ölkə rəhbərliyini bir qrup təlim keçmiş, inqilaba sadiq olan liderə təhvil verməkdən məmnun olduğunu söyləyib”, - xəbərdə deyilir.
Raul Kastro 1959-2008-ci illərdə Kubanın lideri olmuş Fidel Kastronun qardaşı və silahdaşı olub.