BAKI, 10 aprel — Sputnik. Türkiyənin tanınmış aktrisası Əsra Dərmancıoğlu gözlənilməz etirafları ilə müzakirə mövzusu olub. Belə ki, o, xəyanəti özünə problem saymadığını deyib.
Sputnik Azərbaycan Türkiyə mətbuatına istinadən xəbər verir ki, "Fatmagülün suçu nə" serialından tanınan aktrisanın sözlərinə görə, əri ona xəyanət etdiyi üçün ondan boşanıb:
"Səyahətə hazırlaşırdıq. Həmin gün dostlarımız getdilər. Kresloda oturmuşduq, əlində viski var idi. Qəfil ona müraciətlə dedim: "Nəsə baş verir? Sən mənə xəyanət edirsən?". O təsdiqlədi. Sonra danışdıq, uzun müddət söhbətləşdik. Sonra da boşandıq. İndi aramız yaxşıdır. Qızımın atası çox yaxşı adamdır. Amma bezibmiş…"
Hazırda özündən 15 yaş kiçik aktyor Murat Balçı ilə eşq macəraları yaşadığı bildirilən Əsra Dərmancıoğlu bir kişinin onu aldatmasını özü üçün problem etmədiyini vurğulayıb.
"Bir kişinin, yaxud bir qadının xəyanətini heç vaxt ədalət məsələsinə çevirmirəm. Bu başqa bir şeydir. İstəmir sadəcə", – deyə o bildirib.