BAKI, 8 aprel - Sputnik. Rusiyanın Baş prokuroru İqor Krasnov aprelin 8-də Azərbaycana rəsmi səfərə gəlib.
Sputnik Azərbaycan-ın məlumatına görə, o, Azərbaycanın Baş prokuroru Kamran Əliyevin dəvəti ilə Bakıdadır.
Baş Prokurorluqdan bildirilib ki, hər iki qurum rəhbərləri ikitərəfli qarşılıqlı fəaliyyətin müxtəlif aspektlərini, prokurorluq fəaliyyətinin ən aktual məsələləri üzrə birgə tədbirlərin keçirilməsinin perspektivlərini müzakirə etmək və bir sıra ikitərəfli sənədləri imzalamaq niyyətindədirlər. Səfərin təfərrüatı barədə ictimaiyyətə mütəmadi olaraq məlumat veriləcək.