BAKI, 30 mart - Sputnik. SpaceX şirkətinə məxsus Starship kosmik gəmisinin prototipi olan SN11 ABŞ-ın Texas ştatında keçirilən sınaqlar zamanı partlayıb.
Sputnik Azərbaycan RİA Novosti-yə istinadən bildirir ki, gəminin buraxılması YouTube-da canlı yayımlanırmış. Videoda partlayış səsi gəlir, güclü tüstü fonunda göydən parçaların düşdüyü görülür.
"Yerə enəndən öncə mühərriki işə salanda nəsə ciddi bir şey oldu. Bu gün qalıqları araşdırandan sonra nə baş verdiyini öyrənəcəyik", - şirkətin rəhbəri İlon Mask Twitter-də yazıb.