BAKI, 26 mart - Sputnik. "Sputnik V" peyvəndini hazırlayanlar Fransa prezidenti Emmanuel Makronun peyvənd səviyyəsində yeni növ dünya müharibəsi haqqında bəyanatına cavab veriblər.
Fransa liderinin sözlərinə əsasən, Rusiya və Çin koronavirusa qarşı dərmanlardan təsir aləti kimi istifadə etməyə cəhd göstərirlər. O Avropa ölkələrini vaksin istehsalında müstəqillik göstərməyə çağırıb.
"Əziz Emmanuel Makron, biz vaksinlərin siyasətdən kənarda qalması üçün çalışırıq - bu bizim bütün dünyada müharibəyə yox, sülhə olan ən yaxşı ümidimizdir", - deyə "Sputnik V"-nin yaradıcılıarı vaksinin rəsmi Twitter-akkauntunda məsələyə şərh veriblər.
Statusun müəllifləri həmçinin Fransaya dərmanı özlərində istehsal etmək ölkələrə qoşulmağı təklif ediblər.
"Müxtəlif vaksinlərin istehsalı peyvənd müstəqilliyinə aparan yoldur. Biz birlikdə güclüyük!" - yazıda qeyd olunur.
Rusiyada artıq koronavirusa qarşı üç vaksin qeydiyyatdan keçib: Qamaleya mərkəzindən "Sputnik V", Novosibirsin "Vektor" mərkəsindən "EpiVakKorona" və Çumakov adına mərkəzdən "KoviVak".