Leyla Abdullayeva, Sputnik Azərbaycan
BAKI, 25 mart — Sputnik. Xaçmazda iki maşın toqquşub, xəsarət alanlar var.
Hadisə Gəndob-Yalama yolunun Xaçmazın Sabiroba kəndi ərazisindən keçən hissəsində baş verib.
Sputnik Azərbaycan-ın verdiyi məlumata görə, "Vaz 21099" markalı nəqliyyat vasitəsi ilə "Mitsubishi" markalı avtomaşın toqquşub. Qəza nəticəsində 3 nəfər ağır yaralanıb və təcili Xaçmaz Mərkəzi Rayon Xəstəxanasına yerləşdirilib. Yaralananlar 31 yaşlı Xaçmaz şəhər sakini Hacıyev Ruslan Aslan oğlu, Bakı şəhər sakini, 21 yaşlı Cəfərova Əfsanə İlkin qızı və 23 yaşlı Yunusov Elnur Tacəddin oğludur.
Faktla bağlı araşdırmalar davam etdirilir.