BAKI, 22 mart - Sputnik. Azərbaycanın Xalq artisti Yusif Eyvazov və Rusiyanın Xalq artisti Anna Netrebko bu yaxınlarda Vyananın mərkəzində aldıqları mənzilin şəkillərini sosial şəbəkədə paylaşıblar.
Sputnik Azərbaycan bildirir ki, vokalçılar evlərinin qapılarını Instagram izləyicilərinin "üzünə açıblar". Onlar artıq ilk qonaqlarını qəbul etdiklərini də deyiblər. Artistlərin həmkarlarını mənzilin dizaynı valeh edib.
Bu mənzil öncəkindən daha genişdir. Netrebko konsertlərdə geyindiyi paltarları, eləcə də gündəlik geyimləri və aksessuarları üçün burada yaxşı saxlanc yeri yarada bilib.
Cütlüyün Nyu-Yorkda, Manhettendə də mənzili var, koronavirus səbəbindən sonuncu dəfə onlar oraya bir il əvvəl gediblər.