BAKI, 21 mart - Sputnik. Martın 25-26-na planlaşdırılan Avropa İttifaqı sammiti videokonfrans formatında keçəcək.
Sputnik Azərbaycan RİA Novosti-yə istinadən bildirir ki, bu barədə Aİ rəhbərinin rəsmi nümayəndəsi Barend Leyts deyib.
"Avropa İttifaqının rəhbəri üzv ölkələrdə COVID-19-a yoluxmanın artması səbəbilə mart sammitini videokonfrans formatında keçirməyi qərara alıb. Aİ rəhbəri bütün liderlərlə məsləhətləşmələr aparacaq", - Leyts Twitter-də yazıb.
Avropa liderlərinin görüşündə əsas müzakirə mövzularından birinin Aİ-Rusiya münasibətlərinin gələcəyi ilə bağlı strategiya olması gözlənilir.