Hər il martın 24-ü dünyada beynəlxalq vərəmlə mübarizə günü kimi qeyd olunur. Bununla bağlı Sputnik Azərbaycan Multimedia Mətbuat Mərkəzində tədbir keçirilib.
Tədbirdə çıxış edən Sağlamlığa Xidmət İctimai birliyinin icraçı direktoru Pərvanə Vəliyeva deyib ki, vərəmin erkən aşkarlanması və diaqnostikası həyat xilasedici ola bilər və bu çox önəmlidir:
“Vaksinə gəldikdə onu deyə bilərəm ki, bu, müalicədən daha effektiv hesab edilir. Hazırda istifadə olunan vaksinin təxminən yüzə yaxın yaşı var və yenilənməsinə ehtiyac duyulur. COVİD-19-la bağlı aparılan vaksin araşdırmaları vərəm üçün yeni vaksinin ərsəyə gəlməsinə stimul ola bilər. Hazırda vərəmlə mübarizədə müvəqqəti azalma müşahidə edirik. Təkcə ölkəmizdə deyil, bütün dünyada vərəmə yoluxan şəxslərin aşkarlanması azalıb. Bu azalmaların nələrə səbəb olacağı ilə bağlı hesabatlar hazırlanıb. Hesabatlarda göstərilib ki, hazırda vərəmin aşkarlanmasını sürətləndirə bilməsək, onunla mübarizədə 8 il geri gedəcəyik”.
Pərvanə Vəliyevanın fikirlərinə audiofaylda qulaq asa bilərsiniz