Rahim Məmmədov, Sputnik Azərbaycan
BAKI, 18 mart — Sputnik. Gecə saatlarında Yevlax-Zaqatala-Gürcüstan magistral yolunun Yevlaxın Xanabad kəndindən keçən hissəsində yol qəzası qeydə alınıb.
Belə ki, “Mercedes” markalı minik maşını “VAZ 2107” ilə toqquşub. Zərbənin gücündən avtomobillər dəmir topasına çevirilib. Dəhşətli qəza nəticəsində 28 yaşlı Ağdaş rayon sakini Elvin Cabbarov hadisə yerində dünyasını dəyişib.
Qeyd edək ki, qəza baş verən magistral yol yeni çəkilib. Hadisənin baş vermə səbəbləri aparılacaq araşdırmalardan sonra müəyyən oluncaq.