Monqolustandan gələn qum fırtınası Pekində ciddi fəsadlara səbəb olub. Çin paytaxtında hava çirklənib, görmə qabiliyyəti isə 1000 metrdən aşağı düşüb və nəticədə şəhərdə böyük tıxaclar yaranıb.
Meteoroloqlar şəhərdə sarı təhlükə səviyyəsini elan ediblər.
Mütəxəssislər qum fırtınasının martın 16-na qədər davam edəcəyini və ölkənin digər şimal rayonlarını da əhatə edəcəyini gözləyirlər.
Pekində açıq havada keçiriləcək tədbirlərin təxirə salınmasını tövsiyyə edilir, insanlara lazım olmadıqda küçəyə çıxmamaq məsləhət görülür.
Bu Çində son 10 ildə baş verən ən böyük qum fırtınasıdır.