Rəşad Kərəmoğlu, Sputnik Azərbaycan
BAKI, 15 mart — Sputnik. COVID-19 səbəbindən Azərbaycanda daha bir orta məktəb bağlanıb.
Ağdaş şəhər Bəkir Nəbiyev adına 3 saylı tam orta məktəbdə 2 şagird və 1 müəllimdə COVID-19 testinin cavabı pozitiv çıxdığı üçün rayon Gigiyena və Epidemiologiya Mərkəzi tərəfindən bu gündən etibarən dərs prosesi distand təhsilə keçirilməsinə qərar verilərək məktəbin giriş və daxilində bütün otaqlar dezinfeksiya edilib.
Məktəb rəhbəliyi tərəfindən şagird və valideynləri xəbərdar edilib.
Qeyd edək ki, 2020-2021-ci tədris ili çərçivəsində bu günə kimi rayon üzrə təhsil müəssisələrində 35 şagird və 9 müəllimdə COVID-19 virusu aşkar edilib.