BAKI, 14 mart - Sputnik. AKINCI Prototip 2 pilotsuz uçan aparatının (AKINCI PT-2) qabaqcıl sistem identifikasiya testi uğurla tamamlanıb.
Sputnik Türkiyə bildirir ki, Baykar Savunma şirkətinin Twitter hesabından edilən paylaşımda: "Bayraktar #AKINCI PUA-sı uçmağa davam edir. Bu gün AKINCI PT-2 ilə qabaqcıl sistem identifikasiya sınağını uğurla tamamladıq. Uğurla bitən hər sınaq AKINCI-nı vəzifəsinə bir addım da yaxınlaşdırır", - qeyd olunub.
Baykar-ın ortaq sahibi Səlcuq Bayraqdar da Twitter hesabından AKINCI PT-2-nin sınaq görüntülərini izləyiciləri ilə paylaşıb.
"Yeni bir sabah... Yenə bir test uçuşu... #AKINCI PT-2. O, bəlkə də, alışdı, amma bizdə həyəcan, adrenalin, stress hələ də ilk gün kimidir... Ağlımızda bir mahnı var: "Uçsan olmur, uçmasan, olmaz..." Səmalarımızda hürr və özgür", - Bayraqdar yazıb.