"Arts Council Azerbaijan" tərəfindən təşkil olunan "Art Fest Nizami" festivalı başlayıb. İlk layihə çərçivəsində fotoqraflar öz gözləri ilə Nizami Gəncəvinin "Yedi gözəl" poemasının qəhramanlarını təqdim ediblər. Layihə Lalə Hüseynova, Aleksandr Karyaqin, Mirsadıq Hüseynov, Fərhad Ələkbərli, Simon Peter, Emin Quliyev və Madina Dorojkina kimi tanınmış fotoqrafları cəlb edib. Layihə üçün model qismində Natella Osmanlı, Gülnarə İmanova, Lidiya Əliyeva, Nərminə Məmmədzadə, Sona Quliyeva, Səbinə Zülalova və Dariqa Naymanova çıxış ediblər.
Təşkilatçılar yaradıcı insanları müxtəlif birgə layihələrə cəlb etmək üçün festival çərçivəsində bir neçə tədbir təşkil edəcəklər.
Martın 15-də "Baku Book Center"də "Yeddi gözəl" sərgisinin açılışı keçiriləcək.