BAKI, 2 mart — Sputnik. Müğənni Səmra Rəhimli "Göz" adlı yeni klipini təqdim edib. Sputnik Azərbaycan xəbər verir ki, layihənin rəhbəri və rejissoru sənətçinin anası İlahə Baxşıyevadır. "Youtube" video hostinqində və "instagram" hesabında paylaşılan klip açıq-saçıq görüntülərinə görə müzakirə olunub. S.Rəhimli isə müzakirələrə səbəb olan klipi haqda bu sözləri yazıb:
"Hərdən mənə elə gəlir ki, əvvəl səhifəm dini səhifə və izləyicilərim isə dindarlar olub. Dini məsləhətlər vermişəm, bu gün də qəfil artist olmağa qərar vermişəm, izləyicilərim çaş-baş qalıblar".
Qeyd edək ki, mahnının söz və musiqisi Clavisə məxsusdur. Müğənni bundan başqa, fərqli fotosessiyası ilə hər kəsi təəccübləndirib.