Leyla Abdullayeva, Sputnik Azərbaycan
Azərbaycanda elə yerlər var ki, orada insan özünü nağıllar aləmindəki kimi hiss edir. Belə cənnət məkanlardan biri Quba rayonunun Qəçrəş kəndidir. Rayon mərkəzindən 10 km aralıda yerləşən bu məkana Qubaya gedən insanlar mütləq baş çəkməyə çalışırlar. Çünki bura ilin hər fəslində füsunkar olur.
Qəçrəş meşəsində ağacların çox maraqlı düzülüşü var. Ağaclar həm hündür, həm də seyrəkdir burada. Sanki bir-bir sıra ilə düzmüsən. Qubalılar buranı təbiətin bir möcüzəsi adlandırırlar.
Meşə bitdikdən sonra daha gözəl mənzərəli Qəçrəş kəndi başlayır. Biz də sizə həm meşədən, həm də kəndin girişində çəkdiyimiz şəkilləri təqdim edəcəyik.