Magistraturaya sənəd qəbulu artıq başa çatıb. Dövlət İmtahan Mərkəzindən verilən xəbərə görə, qəbul imtahanında iştirak etmək üçün bakalavrların ərizələrinin qəbulu internet vasitəsi ilə aparılır.
Təhsil eksperti Kamran Əsədov pandemiya şəraitində keçiriləcək budəfəki magistratura imtahanlarını Sputnik Azərbaycan-a şərh edib.
Ekspert bildirib ki, bu gün dünyada az sayda ölkə pandemiya şəraitində imtahanlar təşkil edir:
“Bu baxımdan Azərbaycanın təcrübəsi dünyada ön sıralardadır. Pandemiya ilə əlaqədar olaraq bu il imtahanlarda müəyyən dəyişikliklər ediləcək. Qeyd edilməli müsbət məqamlardan biri odur ki, bu il magistraturaya qəbul olmaq istəyənlərin sayı ötən illərlə müqayisədə daha çoxdur. Həmçinin builki imtahan nəticələrinin də ötən illə müqayisədə yüksək olacağını düşünürük”.
Ekspertin geniş şərhinə audiofaylda qulaq asa bilərsiniz