Zülfiyyə Quluyeva, Sputnik Azərbaycan
BAKI, 18 fevral — Sputnik. Quba rayonu, Xınalıq kəndinə gedən avtomobil yolunun 35-37 km hissəsində gecə saatlarında baş vermiş qar uçqunu təmizlənib.
Sputnik Azərbaycan-a bu barədə Azərbaycan Avtomobil Yolları Dövlət Agentliyinin İctimaiyyətlə əlaqələr şöbəsinin rəisi Anar Nəcəfli məlumat verib. Onun sözlərinə görə, hazırda sözügedən yol ilə nəqliyyat vasitələrinin normal hərəkəti təmin olunub.
A.Nəcəfli bildirib ki, digər yollarda da avtomobillərin hərəkətində heç bir problem yoxdur. Yollar qar və buzdan təmizlənib, qum-duz səpilib.